{"id":"rv.1.127.9","work":"rigveda","ref":{"mandala":1,"sukta":127,"rc":9},"label_deva":"ऋग्वेद १.१२७.९","label_iast":"Ṛgveda 1.127.9","text":{"deva":"त्वम॑ग्ने॒ सह॑सा॒ सह॑न्तमः शु॒ष्मिन्त॑मो जायसे दे॒वता॑तये र॒यिर्न दे॒वता॑तये । शु॒ष्मिन्त॑मो॒ हि ते॒ मदो॑ द्यु॒म्निन्त॑म उ॒त क्रतु॑ः । अध॑ स्मा ते॒ परि॑ चरन्त्यजर श्रुष्टी॒वानो॒ नाज॑र ॥","iast":"tvama̍gne̱ saha̍sā̱ saha̍ntamaḥ śu̱ṣminta̍mo jāyase de̱vatā̍taye ra̱yirna de̱vatā̍taye | śu̱ṣminta̍mo̱ hi te̱ mado̍ dyu̱mninta̍ma u̱ta kratu̍ḥ | adha̍ smā te̱ pari̍ carantyajara śruṣṭī̱vāno̱ nāja̍ra ||","pada_deva":"त्वम् | अग्ने | सहसा | सहन्-तमः | शुष्मिन्-तमः | जायसे | देव-तातये | रयिः | न | देव-तातये | शुष्मिन्-तमः | हि | ते | मदः | द्युम्निन्-तमः | उत | क्रतुः | अध | स्म | ते | परि | चरन्ति | अजर | श्रुष्टीवानः | न | अजर","pada_iast":"tvam | agne | sahasā | sahan-tamaḥ | śuṣmin-tamaḥ | jāyase | deva-tātaye | rayiḥ | na | deva-tātaye | śuṣmin-tamaḥ | hi | te | madaḥ | dyumnin-tamaḥ | uta | kratuḥ | adha | sma | te | pari | caranti | ajara | śruṣṭīvānaḥ | na | ajara"},"lines":["tvama̍gne̱ saha̍sā̱ saha̍ntamaḥ śu̱ṣminta̍mo jāyase de̱vatā̍taye ra̱yirna de̱vatā̍taye |","śu̱ṣminta̍mo̱ hi te̱ mado̍ dyu̱mninta̍ma u̱ta kratu̍ḥ |","adha̍ smā te̱ pari̍ carantyajara śruṣṭī̱vāno̱ nāja̍ra ||"],"lines_deva":["त्वम॑ग्ने॒ सह॑सा॒ सह॑न्तमः शु॒ष्मिन्त॑मो जायसे दे॒वता॑तये र॒यिर्न दे॒वता॑तये ।","शु॒ष्मिन्त॑मो॒ हि ते॒ मदो॑ द्यु॒म्निन्त॑म उ॒त क्रतु॑ः ।","अध॑ स्मा ते॒ परि॑ चरन्त्यजर श्रुष्टी॒वानो॒ नाज॑र ॥"],"meta":{"rishi":"परुच्छेपो दैवोदासिः","devata":"अग्निः","chandas":"अत्यष्टिः, ६ अतिधृतिः","note":"दे. अग्निः। अत्यष्टिः, ६ अतिधृतिः"},"provenance":{"text.deva":"sa-wikisource-rigveda-samhita","text.iast":"sa-wikisource-rigveda-samhita","text.pada_deva":"sa-wikisource-rigveda-padapatha","text.pada_iast":"sa-wikisource-rigveda-padapatha","meta":"sa-wikisource-rigveda-suktas"},"agreement":"confirmed","variants":[],"translations":[{"lang":"en","text":"Thou, Agni, most victorious with thy conquering strength, most Mighty One, art born for service of the Gods, like wealth for service of the Gods. Most mighty is thine ecstasy, most splendid is thy mental power. Therefore men wait upon thee, undecaying One, like vassals, undecaying One.","translator":"Ralph T.H. Griffith","source":"en-wikisource-griffith-1896","status":"signed","method":"human"}],"gloss":[],"_links":{"self":"https://sanatan.digital/api/v1/rv/1.127.9.json","html":"https://sanatan.digital/rv/1.127.9","work":"https://sanatan.digital/api/v1/works/rigveda.json"}}