{"id":"rv.1.129.9","work":"rigveda","ref":{"mandala":1,"sukta":129,"rc":9},"label_deva":"ऋग्वेद १.१२९.९","label_iast":"Ṛgveda 1.129.9","text":{"deva":"त्वं न॑ इन्द्र रा॒या परी॑णसा या॒हि प॒थाँ अ॑ने॒हसा॑ पु॒रो या॑ह्यर॒क्षसा॑ । सच॑स्व नः परा॒क आ सच॑स्वास्तमी॒क आ । पा॒हि नो॑ दू॒रादा॒राद॒भिष्टि॑भि॒ः सदा॑ पाह्य॒भिष्टि॑भिः ॥","iast":"tvaṃ na̍ indra rā̱yā parī̍ṇasā yā̱hi pa̱thām̐ a̍ne̱hasā̍ pu̱ro yā̍hyara̱kṣasā̍ | saca̍sva naḥ parā̱ka ā saca̍svāstamī̱ka ā | pā̱hi no̍ dū̱rādā̱rāda̱bhiṣṭi̍bhi̱ḥ sadā̍ pāhya̱bhiṣṭi̍bhiḥ ||","pada_deva":"त्वम् | नः | इन्द्र | राया | परीणसा | याहि | पथा | अनेहसा | पुरः | याहि | अरक्षसा | सचस्व | नः | पराके | आ | सचस्व | अस्तम्-ईके | आ | पाहि | नः | दूरात् | आरात् | अभिष्टि-भिः | सदा | पाहि | अभिष्टिभिः","pada_iast":"tvam | naḥ | indra | rāyā | parīṇasā | yāhi | pathā | anehasā | puraḥ | yāhi | arakṣasā | sacasva | naḥ | parāke | ā | sacasva | astam-īke | ā | pāhi | naḥ | dūrāt | ārāt | abhiṣṭi-bhiḥ | sadā | pāhi | abhiṣṭibhiḥ"},"lines":["tvaṃ na̍ indra rā̱yā parī̍ṇasā yā̱hi pa̱thām̐ a̍ne̱hasā̍ pu̱ro yā̍hyara̱kṣasā̍ |","saca̍sva naḥ parā̱ka ā saca̍svāstamī̱ka ā |","pā̱hi no̍ dū̱rādā̱rāda̱bhiṣṭi̍bhi̱ḥ sadā̍ pāhya̱bhiṣṭi̍bhiḥ ||"],"lines_deva":["त्वं न॑ इन्द्र रा॒या परी॑णसा या॒हि प॒थाँ अ॑ने॒हसा॑ पु॒रो या॑ह्यर॒क्षसा॑ ।","सच॑स्व नः परा॒क आ सच॑स्वास्तमी॒क आ ।","पा॒हि नो॑ दू॒रादा॒राद॒भिष्टि॑भि॒ः सदा॑ पाह्य॒भिष्टि॑भिः ॥"],"meta":{"rishi":"परुच्छेपो दैवोदासिः","devata":"इन्द्रः, ६ इन्दुः","chandas":"अत्यष्टिः, ८-९ अतिशक्वर्यौ, ११ अष्टिः","note":"दे. इन्द्रः, ६ इन्दुः। अत्यष्टिः, ८-९ अतिशक्वर्यौ, ११ अष्टिः"},"provenance":{"text.deva":"sa-wikisource-rigveda-samhita","text.iast":"sa-wikisource-rigveda-samhita","text.pada_deva":"sa-wikisource-rigveda-padapatha","text.pada_iast":"sa-wikisource-rigveda-padapatha","meta":"sa-wikisource-rigveda-suktas"},"agreement":"confirmed","variants":[],"translations":[{"lang":"en","text":"With riches in abundance, Indra, come to us, come by an unobstructed path, come by a path from demons free. Be with us when we stray afar, be with us when our home is nigh. Protect us with thy help both near and far away: protect us ever with thy help.","translator":"Ralph T.H. Griffith","source":"en-wikisource-griffith-1896","status":"signed","method":"human"}],"gloss":[],"_links":{"self":"https://sanatan.digital/api/v1/rv/1.129.9.json","html":"https://sanatan.digital/rv/1.129.9","work":"https://sanatan.digital/api/v1/works/rigveda.json"}}