{"id":"rv.7.24.4","work":"rigveda","ref":{"mandala":7,"sukta":24,"rc":4},"label_deva":"ऋग्वेद ७.२४.४","label_iast":"Ṛgveda 7.24.4","text":{"deva":"आ नो॒ विश्वा॑भिरू॒तिभि॑ः स॒जोषा॒ ब्रह्म॑ जुषा॒णो ह॑र्यश्व याहि । वरी॑वृज॒त्स्थवि॑रेभिः सुशिप्रा॒स्मे दध॒द्वृष॑णं॒ शुष्म॑मिन्द्र ॥","iast":"ā no̱ viśvā̍bhirū̱tibhi̍ḥ sa̱joṣā̱ brahma̍ juṣā̱ṇo ha̍ryaśva yāhi | varī̍vṛja̱tsthavi̍rebhiḥ suśiprā̱sme dadha̱dvṛṣa̍ṇa̱ṃ śuṣma̍mindra ||","pada_deva":"आ | नः | विश्वाभिः | ऊति-भिः | स-जोषाः | ब्रह्म | जुषाणः | हरि-अश्व | याहि | वरीवृजत् | स्थविरेभिः | सु-शिप्र | अस्मे इति | दधत् | वृषणम् | शुष्मम् | इन्द्र","pada_iast":"ā | naḥ | viśvābhiḥ | ūti-bhiḥ | sa-joṣāḥ | brahma | juṣāṇaḥ | hari-aśva | yāhi | varīvṛjat | sthavirebhiḥ | su-śipra | asme iti | dadhat | vṛṣaṇam | śuṣmam | indra"},"lines":["ā no̱ viśvā̍bhirū̱tibhi̍ḥ sa̱joṣā̱ brahma̍ juṣā̱ṇo ha̍ryaśva yāhi |","varī̍vṛja̱tsthavi̍rebhiḥ suśiprā̱sme dadha̱dvṛṣa̍ṇa̱ṃ śuṣma̍mindra ||"],"lines_deva":["आ नो॒ विश्वा॑भिरू॒तिभि॑ः स॒जोषा॒ ब्रह्म॑ जुषा॒णो ह॑र्यश्व याहि ।","वरी॑वृज॒त्स्थवि॑रेभिः सुशिप्रा॒स्मे दध॒द्वृष॑णं॒ शुष्म॑मिन्द्र ॥"],"meta":{"rishi":"मैत्रावरुणिर्वसिष्ठः","devata":"इन्द्रः","chandas":"त्रिष्टुप्","note":"दे. इन्द्रः। त्रिष्टुप्"},"provenance":{"text.deva":"sa-wikisource-rigveda-samhita","text.iast":"sa-wikisource-rigveda-samhita","text.pada_deva":"sa-wikisource-rigveda-padapatha","text.pada_iast":"sa-wikisource-rigveda-padapatha","meta":"sa-wikisource-rigveda-suktas"},"agreement":"confirmed","variants":[],"translations":[{"lang":"en","text":"Come unto us with all thine aids, accordant, Lord of Bay Steeds, accepting our devotions, Fair-helmeted, o'ercoming with the mighty, and lending us the strength of bulls, O Indra.","translator":"Ralph T.H. Griffith","source":"en-wikisource-griffith-1896","status":"signed","method":"human"}],"gloss":[],"_links":{"self":"https://sanatan.digital/api/v1/rv/7.24.4.json","html":"https://sanatan.digital/rv/7.24.4","work":"https://sanatan.digital/api/v1/works/rigveda.json"}}